Hvað viltu láta gera? Milli tjaldsvæðisins í Laugardal og syðri húsanna við Laugarásveg er þröngur göngustígur, oftast lagður trjákurli. Gegnum þennan göngustíg aka oft hjólandi vegfarendur, jafnvel á raf- eða vélknúnum farartækjum og í mörgum tilvikum gefa þau ekki frá sér viðvörunarhljóðmerki. Vill láta banna þennan akstur um þennan göngustíg og vísa þessum farartækjum á breiðan göngustíg sunnan tjaldsvæðisins. Mætti gera það með örvamerkjum með mynd af hjóli. Hvers vegna viltu láta gera það? Göngufólk er í stórfelldri hættu þarna, erfitt sums staðar að víkja til hliðar, sérstaklega á sumrin, þegar þrengir mjög að stígnum vegna hávaxins illgresis og fólki er mjög brugðið þegar farartæki á miklum hraða er ekið um þennan stíg, en sá sem þetta ritar hefur oft orðið þess var. Þarna eru einnig stundum börn að leik að klifra í gömlum trjám sem þarna eru og þeim er einnig hætta búin af þessum faratækjum.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021 þar sem hún flokkast sem viðhalds- eða öryggisverkefni. Hugmyndinni verður komið áfram sem ábendingu til viðkomandi sviðs innan borgarinnar. Viðhalds- og öryggisverkefni eru ekki lengur hluti af lýðræðisverkefninu Hverfið mitt. Réttur farvegur fyrir slíkar hugmyndir eru á vefnum: https://abendingar.reykjavik.is/. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation