Skólahreysti

Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Hugmyndin þín var metin tæk* af fagteymi sérfræðinga verkefnisins og verður ein af þeim hugmyndum sem stillt verður upp á fundi íbúaráðs Breiðholts á fimmtudaginn næstkomandi þann 15. apríl milli kl. 17-19 þar sem valdar verða 25 af þeim hugmyndum sem verða á kjörseðli hverfisins í kosningunni í haust. Hér er hlekkur á facebook event fundarins sem verður opinn og streymt beint: https://www.facebook.com/events/184485366578370/. Í einhverjum tilfellum hafa hugmyndir verið sameinaðar þar sem þær hafa verið taldar mjög áþekkar annarri/öðrum hugmyndum og í nokkrum tilfellum höfum við gert litlar breytingar á hugmyndum til þess að þær falli betur að reglum verkefnisins.* Fundir íbúaráðanna þar sem valið verður hvaða hugmyndir fara á kjörseðla hverfanna næsta haust verða formlegir aukafundir þar sem allir geta tekið þátt. Við viljum eindregið hvetja þig til þess að taka þátt í fundinum í þínu hverfi og vekja athygli á honum og hugmynd þinni eins og þú hefur tækifæri til. Dagsetningar allra fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]

Frábært að fá fleiri útivistarsvæði fyrir krakka, það er svo nauðsynlegt að geta hreyft sig og hvað þá að það sé gaman einmitt með svona braut :)

Það mælir allt með svona æfingatæki fyrir börn á þessu svæði. Hef séð hvað kongulóavefurinn gerir fyrir börnin. Gott mál.

Snilld fyrir börn að leika og æfa

Frábær hugmynd

Hreyfing er nauðsynleg og þetta vantar í efra Breiðholtið.

Flott fyrir krakka að hreyfa sig

Engin spurning, frábært að fá hreystibraut í hverfið. Þurfum að halda hreyfingu að börnunum okkar. Reynslan hefur sýnt að þar sem þessar brautir hafa verið settar upp eru þær mikið nýttar.

Þetta er frábær hugmynd! Mjög barnvænt svæði og nóg pláss á grasflötunum milli Fellaskóla og Hóklabrekkuskóla og allir í sund á eftir 😊

Frábær hugmynd!!!

Væri reyndar frekar til að fá þessa í neðra Breiðholt (Bakkana). En ef það er ekki hægt, þá bara efra Breipholt til vara.

Stuðla að meiri og betri hreyfingu

Frábær hugmynd og stuðlar að meiri hreyfingu fyrir börnin 🤙💪

Þetta er ekki dýrt í stóra samhenginu, tilvalið að setja slíka braut upp á túninu fyrir utan sundlaugina þar sem nú þegar er einhver vísir að grindum - og þetta hjálpar við að halda krökkum og unglingum í hreyfingu, úti með félögunum frekar en að hanga inni í tölvunni og aukinn áhugi á hreyfingu og íþróttum dregur úr líkum á að krakkarnir fari í óreglu og óæskilegan félagsskap.

Frábær hugmynd. Gæti einnig hentað að hafa hreystibrautina í bökkunum.

Góð hreyfing fyrir unga sem aldna

Líst vel á hugmyndina. Gott væri að fá hreystibrautir bæði í efra og neðra Breiðholti. Mikilvægt fyrir börn að geta haft fjölbreytta afþreyingu

Kæri hugmyndahöfundur Þín hugmynd var valin á uppstillingarfundi til þess að vera á kjörseðli hverfisins í kosningunni í Hverfið mitt næsta haust. Uppstilling kjörseðila fyrir kosningarnar fór fram á fundum íbúaráða Reykjavíkurborgar frá 22. mars til 20. maí sl. og liggur nú niðurstaða fyrir í öllum hverfum. Nánari upplýsingar hér: https://reykjavik.is/uppstilling-kjorsedla-fyrir-hverfid-mitt. Í fyrsta skipti var öllum boðin þátttaka í þessum lið ferilsins, þ.e. að velja hugmyndir á kjörseðilinn að yfirferðar- og samráðsferli loknu. Þátttakan í uppstillingunni fór fram úr björtustu vonum og niðurstaðan er að margar frábærar hugmyndir verða á kjörseðlum allra hverfa Reykjavíkur í kosningunni í haust. Á www.hverfidmitt.is má sjá þær hugmyndir sem verða til kosninga í verkefninu Hverfið mitt þann 30. september - 14. október næstkomandi. Til þess að auka líkurnar á því að þín hugmynd verði kosin til framkvæmda sumarið 2022 getur þú kynnt hugmyndina fyrir nágrönnum þínum og hvatt þau til þess að taka þátt í kosningunni í haust. Við sendum þér póst og minnum þig á þegar að því kemur. F.h. Hverfið mitt Kær kveðja, Eiríkur Búi Halldórsson [email protected]

Kæri hugmyndahöfundur, kosningu í verkefninu Hverfið mitt lauk þann 14.október sl. niðurstöður kosninga má sjá á www.hverfidmitt.is, Alls voru 111 hugmyndir kosnar og munu þær koma til framkvæmda á árinu 2022. Þín hugmynd hlaut ekki kosningu að þessu sinni. Næsta haust hefst hugmyndasöfnun að nýju og gefst þá Reykvíkingum aftur tækifæri til þess að setja inn hugmyndir að verkefnum sem gera hverfi borgarinnar betri og skemmtilegri. Við þökkum þér kærlega fyrir þína þátttöku og viljum hvetja þig til þess að halda áfram að vera virkur þátttakandi í málefnum hverfisins. Ýmsar leiðir eru fyrir borgarbúa til þess að hafa áhrif á þróun borgarsamfélagsins og síns nærumhverfis. Íbúaráð Reykjavíkurborgar eru lifandi samstarfsvettvangur samráðs íbúa, félagasamtaka, atvinnulífs og borgaryfirvalda. Virk íbúaráð eru í öllum hverfum Reykjavíkur og funda þau í hverjum mánuði yfir vetrarmánuðina. Nánari upplýsingar er að finna hér: https://reykjavik.is/ibuarad. Einnig viljum við vekja athygli á því að ábendingavefurinn er alltaf opinn fyrir borgarbúa sem vilja láta vita af einhverju sem betur má fara í umhverfinu eða þarfnast lagfæringar: https://abendingar.reykjavik.is. Bestu kveðjur, Eiríkur Búi Halldórsson [email protected]

Kæru efri Breiðhyltingar. Nú er tækifærið að fá fulla skólahreystibraut í hverfið. Kosið verður í haust.