Setja upp veglegan gosbrunn á Lækjartorgi sem hægt er að sitja við og busla í. Lækjartorg mun að öllum líkindum taka nokkrum breytingum nú þegar stórar byggingar eru að rísa í næsta nágrenni torgsins. Nú er kjörið tækifæri til að poppa upp torgið með stórum, flottum gosbrunni sem getur verið allt í senn augnayndi og spennandi staður til að busla og leika sér við á góðviðrisdögum.
Frábær og falleg hugmynd, en fara í hugmyndasamkeppni um útlitið, við erum fræg fyrir smekkleysi nú þegar.
Fagteymi sérfræðinga á umhverfis- og skipulagssviði hefur metið þessa hugmynd. Hugmyndin er ekki tæk í kosningu í verkefninu Hverfið mitt 2018 þar sem verkefnið sem um ræðir í hugmyndinni er í öðru ferli innan borgarkerfisins og því ekki hægt að kjósa um það að svo stöddu. Hugmyndinni verður vísað sem ábendingu inn í það ferli. Hér má sjá lista yfir þær hugmyndir sem verða til kosninga í verkefninu Hverfið mitt þann 17.-30. október nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi!
This content is created by the open source Your Priorities citizen engagement platform designed by the non profit Citizens Foundation